పోస్ట్ ఆఫీస్‌లో 44 వేల గ్రామీణ డాక్ సేవక్‌ల రిక్రూట్‌మెంట్..దరఖాస్తు ఫీజు కేవలం రూ.100 మాత్రమే..
భారత పోస్టల్ డిపార్ట్‌మెంట్ జూలై 15, సోమవారం నుండి 44 వేలకు పైగా గ్రామీణ డాక్ సేవకుల (జిడిఎస్) రిక్రూట్‌మెంట్ కోసం దరఖాస్తు ప్రక్రియను ప్రారంభించింది. ఈ రిక్రూట్‌మెంట్ కోసం దరఖాస్తులు అధికారిక వెబ్‌సైట్ indiapostgdsonline.cept.gov.inలో ఆన్‌లైన్ మోడ్‌లో ఆమోదించబడుతున్నాయి. మొదటి రోజు ఈ వెబ్‌సైట్‌లో దరఖాస్తు చేయడంలో సాంకేతిక కారణాల వల్ల వినియోగదారులు సమస్యలను ఎదుర్కొన్నారు. అయితే, ఇప్పుడు వీటిని తీసివేయడానికి ప్రక్రియ ప్రారంభించబడింది. ఆసక్తి గల అభ్యర్థులు ఆగస్టు 5 చివరి తేదీ వరకు దరఖాస్తు చేసుకోవచ్చు.
మూడు దశల్లో దరఖాస్తు చేసుకోండిలా
భారతీయ తపాలా శాఖ గ్రామీణ డాక్ సేవకుల రిక్రూట్‌మెంట్ కోసం 3 దశల దరఖాస్తు ప్రక్రియను రూపొందించిందని అభ్యర్థులు గమనించాలి. 1. రిజిస్ట్రేషన్ 2. దరఖాస్తు 3. రిక్రూట్‌మెంట్ ఫీజు చెల్లింపు. ఈ మూడు దశల కోసం లింక్ పోర్టల్‌లో యాక్టివేట్ చేయబడింది. దరఖాస్తు రుసుము రూ. 100గా నిర్ణయించబడింది. దీనిని ఆన్‌లైన్ మార్గాల ద్వారా చెల్లించాల్సి ఉంటుంది. అయితే, అన్ని కేటగిరీల మహిళా అభ్యర్థులు అలాగే SC/ST, దివ్యాంగులు, ట్రాన్స్‌వుమెన్ కేటగిరీలకు చెందిన దరఖాస్తుదారులు ఫీజు చెల్లించాల్సిన అవసరం లేదు.
దరఖాస్తు చేయడానికి ముందు అర్హతను తెలుసుకోండి
పోస్టల్ డిపార్ట్‌మెంట్ జారీ చేసిన గ్రామీణ డాక్ సేవక్ రిక్రూట్‌మెంట్ నోటిఫికేషన్ ప్రకారం..గుర్తింపు పొందిన బోర్డు నుండి 10వ తరగతి ఉత్తీర్ణులైన అభ్యర్థులు దరఖాస్తు చేసుకోవచ్చు. దరఖాస్తు చివరి తేదీ (5 ఆగస్టు 2024) నాటికి అభ్యర్థుల వయస్సు 18 ఏళ్ల కంటే తక్కువ ఉండకూడదు. 40 ఏళ్లు మించకూడదు. రిజర్వ్‌డ్ కేటగిరీలకు (SC/ST, OBC, మొదలైనవి) చెందిన అభ్యర్థులకు కేంద్ర ప్రభుత్వ నిబంధనల ప్రకారం..గరిష్ట వయోపరిమితిలో సడలింపు ఇవ్వబడుతుంది.మరింత సమాచారం, ఇతర వివరాల కోసం నోటిఫికేషన్‌ను చూడండి.