ఇంటర్ పాసైన వారికీ గుడ్ న్యూస్..బోర్డర్ సెక్యూరిటీ ఫోర్స్ లో ఉద్యోగాలు..జీతం ఎంతంటే?
ఒకపక్క దేశ సేవ చేస్తూ..మంచి జీతం అందుకోవాలనే లక్ష్యం..మంచి పేరు తెచుకోవాలనుకున్నవారికి భారీ గుడ్‌న్యూస్. బోర్డర్ సెక్యూరిటీ ఫోర్స్ (BSF) భారీ నోటిఫికేషన్ విడుదల చేసింది. సెంట్రల్ ఆర్మ్‌డ్ పోలీస్ ఫోర్సెస్ (CAPF) అదేవిధంగా అస్సాం రైఫిల్స్ విభాగాల్లోని వివిధ ఉద్యోగాల భర్తీకి సంస్థ నోటిఫికేషన్ విడుదల చేసింది. మొత్తం 1526 పోస్టులకు గాను రిక్రూట్‌మెంట్ జరుగుతోంది. కాగా, ఇప్పటికే అప్లికేషన్ ప్రాసెస్ ప్రారంభం అయింది. ఈ పోస్టులకు అర్హత ఉన్నవారు అధికారిక వెబ్సైట్ rectt.bsf.gov.in కి వెళ్లి రిజిస్టర్ అవ్వాలి. అప్లికేషన్ ఫారమ్‌ సబ్‌మిట్ చేయడానికి జులై 8 వరకు చివరి తేదీ.
ఆఫీసియల్ నోటిఫికేషన్ ప్రాకారం.. CAPFలో అసిస్టెంట్ సబ్ ఇన్‌స్పెక్టర్ (స్టెనోగ్రాఫర్/కంబాటెంట్ స్టెనోగ్రాఫర్), హెడ్ కానిస్టేబుల్ (మినిస్టీరియల్/కంబాటెంట్ మినిస్టీరియల్) అస్సాం రైఫిల్స్‌లో వారెంట్ ఆఫీసర్ (పర్సనల్ అసిస్టెంట్), హవల్దార్ (క్లర్క్) పోస్టులకు రిక్రూట్‌మెంట్ కోసం నోటిఫికేషన్ రిలీజ్ చేశారు. మొత్తం 243 ASI, వారెంట్ ఆఫీసర్ పోస్టులు ఖాళీగా ఉన్నాయి. అలాగే హెడ్ కానిస్టేబుల్ (మినిస్టీరియల్), హవిల్దార్ (క్లార్క్) జాబ్ రోల్స్‌లో 1283 వేకెన్సీస్ ఉన్నాయి.
ఈ నోటిఫికేషన్ కి ఉండాల్సిన అర్హతలు
అభ్యర్థి తప్పనిసరిగా గుర్తింపు పొందిన బోర్డు లేదా యూనివర్సిటీ నుంచి 12వ తరగతి ఉతీర్ణత అయ్యి ఉండాలి. కాగా, అభ్యర్థుల వయసు 2024 ఆగస్టు 1 నాటికి తప్పనిసరిగా 18 నుంచి 25 సంవత్సరాల మధ్య ఉండాలి. అయితే, రిజర్వ్‌డ్ కేటగిరీ వారికి వయోపరిమితి సడలింపు మాత్రం ఉంటుంది. కాగా, SC/ST కేటగిరీకి వారికీ దాదాపు 5 సంవత్సరాలు, OBCలకు 3 సంవత్సరాలు, మాజీ సైనికులకు మాత్రం 3 సంవత్సరాలు ఎడిషనల్ ఏజ్ లిమిట్ ఉంటుంది.
అప్లికేషన్ ఫీజు
ఈ పోస్టుల కోసంఅభ్యర్థులు రూ. 100 అప్లికేషన్ ఫీజు చెల్లించాల్సి ఉంటుంది. అయితే, మహిళలు, రిజర్వ్‌డ్ కేటగిరీ వారు, మాజీ సైనికులకు మాత్రం ఫీజు లేదు. కాగా, అభ్యర్థులందరూ సర్వీస్ ఛార్జీలను చెల్లించాల్సి ఉంటుంది.
అప్లికేషన్ చేసే విధానం
1. ముందు అధికారిక వెబ్సైట్ rectt.bsf.gov.in ఓపెన్ చేయండి.
2. హోమ్‌పేజీలో ‘అసిస్టెంట్ సబ్ ఇన్‌స్పెక్టర్ (స్టెనోగ్రాఫర్/కంబాట్ స్టెనోగ్రాఫర్) & హెడ్ కానిస్టేబుల్ (మినిస్టీరియల్/కంబాట్ మినిస్టీరియల్) ఇన్ సెంట్రల్ ఆర్మ్‌డ్ పోలీస్ ఫోర్సెస్ (CAPFs) అండ్ వారంట్ ఆఫీసర్ (పర్సనల్ అసిస్టెంట్) & హవల్దార్ (క్లర్క్) ఇన్ అస్సాం రైఫిల్స్ ఎగ్జామినేషన్-2024.’ లేబుల్ కనిపిస్తుంది. దాని పక్కన ‘అప్లై హియర్’ అనే ట్యాబ్ క్లిక్ చేయాలి.
3. కొత్త అప్లికేషన్ విండోలో అవసరమైన వివరాలను ఎంటర్ చేసి.డాక్యుమెంట్స్ అప్‌లోడ్ చేయండి.
4. తర్వాత అప్లికేషన్ ఫీజు చెల్లించి, ఫారమ్‌ను సబ్‌మిట్ చేయండి.
5. తర్వాతి అవసరాల కోసం..వివరాలను పూర్తి చేసిన ఫారమ్‌ను డౌన్‌లోడ్ చేసి, ప్రింటవుట్ తీసుకోవాలి.
సెలక్షన్ చేసే విధానం
రిక్రూట్‌మెంట్ డ్రైవ్‌లో భాగంగా ముందు కంప్యూటర్ బేస్డ్ టెస్ట్ (CBT) నిర్వహిస్తారు. ఇది ఇంగ్లీష్, హిందీ భాషలో మాత్రమే ఉంటుంది. అయితే ,ఈ ఎగ్జామ్ ఉతీర్ణత అయినా వారికీ స్కిల్ టెస్ట్ చేసి, ఎంపిక చేస్తారు.
జీతం ఎంత ఉంటుంది?
ASI (స్టెనోగ్రాఫర్), వారెంట్ ఆఫీసర్ (పర్సనల్ అసిస్టెంట్) పోస్టులకు పే స్కేల్ దాదాపు రూ. 29,200 నుంచి రూ. 92,300 వరకు ఉంటుంది. అయితే, హెడ్ కానిస్టేబుల్ (మినిస్టీరియల్), హవల్దార్ (క్లర్క్) ఉద్యోగుల జీతం మాత్రం రూ.25,500 నుంచి రూ. 81,100 వరకు ఉంటుంది.