కెనరా బ్యాంక్‌లో 3000 అప్రెంటిస్‌షిప్ పోస్టులు..భారీ జీతం!
బ్యాంకుల్లో ప్రభుత్వ ఉద్యోగాల కోసం ఎదురుచూస్తున్న యువతకు ఇది ఒక శుభవార్త అని చెప్పవచ్చు. కెనరా బ్యాంక్ నుంచి ఖాళీగా ఉన్న 3 వేల అప్రెంటిస్‌షిప్ పోస్టుల భర్తీకి నోటిఫికేషన్ ఇటీవల విడుదలైంది. కాగా, నోటిఫికేషన్ ప్రకారం..ఈ రిక్రూట్‌మెంట్ కోసం దరఖాస్తు ప్రక్రియ 21 సెప్టెంబర్ 2024 నుండి ప్రారంభమవుతుంది. ఈ నోటిఫికేషన్ కు దరఖాస్తు ప్రారంభమైన తర్వాత..అభ్యర్థులు NATS పోర్టల్ nats.education.gov.in ద్వారా ఆన్‌లైన్ మోడ్ ద్వారా అప్లై చేసుకోవచ్చు. దరఖాస్తు నింపడానికి చివరి తేదీ 4 అక్టోబర్ 2024గా నిర్ణయించారు.
ఎవరు అప్లై చేసుకోవచ్చు?
కెనరా బ్యాంక్ అప్రెంటిస్ రిక్రూట్‌మెంట్ కు అప్లై చేసుకోవడానికి అభ్యర్థి తప్పనిసరిగా గుర్తింపు పొందిన యూనివర్సిటీ/ఇన్‌స్టిట్యూట్ నుండి ఏదైనా స్ట్రీమ్‌లో గ్రాడ్యుయేషన్ ఉత్తీర్ణులై ఉండాలి. దీనితో పాటు..అభ్యర్థి కనీస వయస్సు 20 ఏళ్లు మించకూడదు. గరిష్ట వయస్సు 28 ఏళ్లు మించకూడదు. అంటే..అభ్యర్థి 1 సెప్టెంబర్ 1996 కంటే ముందు, 1 సెప్టెంబర్ 2004 తర్వాత జన్మించి ఉండకూడదు. రిజర్వేషన్ కేటగిరీ నుండి వచ్చే అభ్యర్థులకు నిబంధనల ప్రకారం గరిష్ట వయస్సులో సడలింపు ఉంటుంది.
దరఖాస్తు ప్రక్రియ
ఈ రిక్రూట్‌మెంట్ కోసం దరఖాస్తు చేసుకోవడానికి అభ్యర్థులు ముందుగా NATS పోర్టల్ nats.education.gov.in ద్వారా తమను తాము నమోదు చేసుకుంటారు. రిజిస్ట్రేషన్ తర్వాత..నమోదు సంఖ్య జనరేట్ చేయబడుతుంది. దీన్ని ఉపయోగించి అభ్యర్థులు ఇతర వివరాలను నింపడం ద్వారా దరఖాస్తు ప్రక్రియను పూర్తి చేయాలి. దరఖాస్తు పూరించిన తర్వాత..అభ్యర్థులు నిర్ణీత రుసుమును డిపాజిట్ చేయాలి. పూర్తిగా నింపిన ఫారమ్ ప్రింటౌట్ తీసుకొని దానిని సురక్షితంగా పెట్టుకోవాలి.
దరఖాస్తు ఫీజు
మిగతా అన్ని కేటగిరీలకు దరఖాస్తు రుసుము రూ.500గా నిర్ణయించారు. కాగా, SC/ ST/ PWBD కేటగిరీ నుండి వచ్చే అభ్యర్థులు ఈ రిక్రూట్‌మెంట్‌లో చేరడానికి ఉచితంగా దరఖాస్తు చేసుకోవచ్చు.
ఎంత స్టైఫండ్ పొందుతారు?
అప్రెంటీస్‌షిప్ పోస్టులకు ఎంపికైన అభ్యర్థులకు నెలకు రూ.15000 స్టైఫండ్ అందించబడుతుంది. ఇందులో రూ.10500 కెనరా బ్యాంకు, రూ.4500 ప్రభుత్వం స్టైఫండ్‌గా అందజేస్తుంది. ఈ రిక్రూట్‌మెంట్‌కు సంబంధించిన పూర్తి వివరాల కోసం..అభ్యర్థులు అధికారిక వెబ్‌సైట్‌ను సందర్శించవచ్చు.